【本報訊】房屋署鬧地荒多年，搵地建公屋十分艱難，推行「5年小檢、10年大檢」計劃表面上是延長老屋邨壽命，減少因拆樓對邨民影響，但接近房署消息人士指，房署實是透過減少拆卸公屋以保留公屋地皮，「如果拆咗交番畀政府，隨時攞唔番另一塊地起公屋」。
房署過去每次拆邨都要與政府討價還價，以爭取地皮再建公屋。不過，政府對公屋用地一直虎視眈眈，早前拆卸的北角邨地皮因鄰近港鐵站及擁無敵海景，而被政府收歸旗下，但政府又沒提供足夠土地予房署建公屋。即使獲政府批地建屋，不是被區議會反對，就是被當區居民以人口過密等理由拒絕。消息人士指此舉令房署「頭痕」，因此就以維修保養及延長老屋邨壽命為名，盡量保留屋邨地皮，否則或不能確保三年上樓承諾。