【本報訊】「媽媽無理取鬧，我哋幫佢起咗一個花名叫做『慈禧』。」天底下或沒有比母女更親密的關係，但若女兒對母親不瞅不睬，甚至害怕，做母親的定必心痛不已。不過這些母親參與過支援家庭的計劃後，懂得與子女相處之道，再「贏咗頭家」，「現在我哋個家少咗嘈吵聲，多咗歡笑聲。」
參與家庭和諧計劃
小四學生卓琳與哥哥之前常躲在房中，因媽媽Anna又發脾氣，「我哋覺得佢好煩，無理取鬧。」子女口中的「慈禧」其實也感內疚：「好易嬲，一開口就鬧人。」小二的希文之前也不喜歡「郁啲即刻鬧人」的媽媽Christine，對着她不敢說話，Christine也知箇中原因：「脾氣本來都差，生咗仲差。」
兩位媽媽看着子女害怕的眼神，既傷心又自責，無奈又控制不了情緒，終於二人參與了「愛＋人：有教．無慮家庭和諧計劃」，從社工指導中學會放下執着，又與其他家長分享，「嗰日喺沙灘大家一齊傾偈，乜煩惱都放低。」
「覺得嬲咪行開吓囉。」Anna不再繃緊着臉，卓琳見到媽媽笑臉也常跟着笑了。希文現在會跟語調溫柔得多的媽媽談心事了。兩位母親昨日都收到最佳母親節禮物，就是女兒寫的感謝信。計劃詳情可電：24747312。