黎耀祥、鄧萃雯、惠英紅及陳法拉等人，昨日在將軍澳電視廣播城為無綫新劇《巾幗梟雄之義海豪情》出席開鏡拜神儀式，今次雯女和祥仔在劇中會有感情戲，兩人更需經常一起過夜。
惠英紅否認爭戲
雯女說：「我哋兩個唔使靠身體嘅親密戲去表達，靠眼神都可以。陪我過夜都已經好激啦！我都想藉呢套劇教導年輕人，一齊過夜唔一定要搞嘢，有愛唔一定有性。」
祥仔則謂還未知會否有熱親戲，問到他是否期待與雯女親熱時，他說：「都冇乜嘢所謂，但就唔可以夾硬嚟，要配合劇情。」
雯女希望此劇可教導年輕人有愛唔一定要有性，問祥仔可有向兒子灌輸性教育時，他說：「佢家得十二歲，暫時仲未傾呢啲，總之順其自然喇。」祥仔又謂有信心新劇可打破《巾幗梟雄》的收視紀錄。
此外，近日有傳惠英紅奪得多個電影獎項後，要求增加她在新劇中的戲份，昨日她強調從沒想過爭戲份，早前更致電監製李添勝解釋。
採訪、攝影：王崇穎
