呢個星期日係母親節，不過因為嗰日要返工，所以已經預早同媽咪慶祝咗。其實，自從入咗呢行，對大時大節都冇乜感覺，不過，好似父親節、母親節呢啲感恩嘅節日，就點都要慰勞一下雙親。但係家啲錢真係好唔見使，一行8人食個晚飯，就要幾千，而且埋咗單後仲要俾細佬寸要食個巨無霸餐先夠飽。
講番推介，自從喺上個月做咗負分擂台榜首之後，推介一直都唔係好順，喺〈開倉〉仲錄得4個L。既然星期日係母親節，就一於博蘇超球隊「媽媽好」馬瑟韋爾（Motherwell）作客格流開「大」。畢竟，媽媽好要搶分保住下屆個歐洲賽席位，而佢哋上場同喜伯年都打成6:6，今役唔會唔開「大」啩？
吾中
大細：格拉斯哥流浪大
心得：母親節梗係要「媽媽好」
近5場往績：LLLLW