鮑起靜和姚佳雯昨日在葵涌出席「母親節關愛同樂日」。日前亞姐顏子菲被爆搭上已婚的亞視前導演謝松軒，更有指其室友姚佳雯爆女方忽然富貴，昨日姚佳雯一見記者即表現避忌，其後見到鮑姐時即哭訴。
問姚佳雯是否因顏子菲一事而被公司照肺？她說：「我又唔係第三者，公司點會照我肺，報道唔係全部我講，子菲都冇怪我，佢心情OK，識我嘅人知我性格係點。總之成件事我覺得好委屈，都唔關我事，又唔係我爆料。」
由於顏子菲正被亞視雪藏，合約7月屆滿，姚佳雯指顏子菲透露若未獲續約，就會返加拿大讀書。問她可有勸顏不要破壞別人家庭？她說：「我一早勸過。」那她自己與謝松軒是否熟悉，姚佳雯斬釘截鐵說：「唔熟，我唔想拿屎上身。我屋企人本身係因為第三者離婚。」
採訪、攝影：王崇穎