近代巴西出過無數個名係R字頭嘅巨星，好似羅馬里奧、朗拿度、李華度、朗拿甸奴，球迷日後要記多個羅馬連奴（Romarinho），呢個華斯高早幾日正式簽入嘅16歲前鋒，就係羅馬里奧個仔。
華斯高簽佢，或多或少係畀面昔日球會象徵人物羅馬里奧，但又唔好睇小呢個o靚仔，佢已經係巴西U17代表隊成員，華斯高一簽就同佢簽3年，只要上網打佢個名，大把關於佢入波同埋扭動蛇腰嘅片段。以往巴西將門之後（好似球王比利個仔）冇個掂，希望呢個實力、外形甚至樣貌都唔錯嘅「小羅馬里奧」，會係異數。
睇完周中哥連泰斯對法林明高嘅自由盃巴甲內訌激戰後，我對今季巴甲多咗些少期望，期望保地花高同山度士呢場入球騷演得成。
藍鑽石
入球大細：保地花高大
心得：山度士鋒將着火
近5場往績：LLLLW