以前鍾意玩旅行，加上之前做記者，不時有出國公幹機會，屈指一算，到過不同國家嘅首都有北京、東京、吉隆坡、倫敦、雅典等等。一個國家足球聯賽，通常首都球隊都有一定份量，FC北京上季就奪得中超冠軍，今屆亞冠盃亦係唯一一支打入16強球隊。英超方面，車仔冠軍在望，阿仙奴亦穩得前4，熱刺更加壓過曼城，來屆歐聯就有3支倫敦球隊出賽，印象中真係首次。
不過並唔係支支首都球隊都好掂，德甲嘅哈化柏林就衰到貼地，上場賽和利華古遜，已篤定降班，不過今周煞科戰主場對拜仁，拜仁要輸十幾球先會失冠軍，信哈化柏林可以不敗攞尾彩。
牽牛
讓球主客和：哈化柏林勝[+1]
心得：希望呢支首都球隊攞尾彩
近5場往績：WWWWW