媽媽有很多種，潮媽有，慳媽更不少，君不見多少母親執子女舊手機手尾？講到底，對她們來說實用啱用就夠；今日介紹數部抵玩行貨手機給大家，實際行先，全部$2,000樓下，但你有無細心留意過她們所需先？
記者︰陸俊雄
攝影︰譚盈傑
Model︰Alia@PureModels
師奶股神
建議買部Nokia5230給她，芒與5800同樣3.2"，可說是它的平價版！支援手寫輸入，上代媽媽，大多不會拆字解碼的輸入法，在大芒上手寫就方便了，而且此芒反應相當出色。可支援3G和HSDPA連線，OviStore更有股票軟件可下載，親自教曉她用，更見誠意。
長青母親
有些媽媽不愛黑色電話，因為放在一邊不容易認；LGLollipopGD580出過粉紅和粉藍，但青色卻是新的，手機界亦屬少見。介面Icon十分可愛，用起來人也年輕了。再者，它有一招逗人歡喜的絕技，機面有LED圖案燈，可自訂圖或字，打句「ILoveU」，無敵啦！
忙裏偷閒
見過母親在廚房煮午飯時，一面煮一面聽收音機嗎？其實不少媽媽都有這樣的習慣。雖然這部LGGB125賣價$400也不用，但它最大優點正是WirelessFM，即是不用插任何耳機線，手機就如收音機仔般收到FM擴播。又平又實用！
健談媽媽
識得用手機影相的媽咪，一定相識滿天下；見到個孫例影，之後再約埋三五知己飲茶看相論盡家事。Samsung7350有500萬像素相機功能；仿金屬機身大方得體，用來交際應酬不失禮。
圓潤經典
有些媽咪不易接受新事物，不要型款，最好反而是圓圓的老實設計。
Nokia7230用仿金屬外殼，極耐看，而且懷舊圓邊好易入褲袋，滑蓋式又不易因坐下時受壓而錯撥了電話。乜你未試過阿媽打畀你，唔出聲、只有背景酒樓聲咩？師奶通病！
售賣點︰T-OneMobile（26289992）