究竟張栢芝幾時榮升為第二任媽咪呢？噚日一班記者繼續喺栢芝同謝霆鋒位於舂坎角嘅豪宅外等候消息，大約下晝三點，霆鋒坐開嘅七人車駛到，冇幾耐霆鋒就着住tee同牛仔褲出現，上車後佢仲除埋拖鞋，赤腳咁嘆曲奇餅。10幾分鐘後，栢芝家姐就揸車返到妹妹屋企，佢個女一落車就只係着住對襪四圍走，唔通唔着鞋真係咁舒服？