現正享受happybusylife的郭志怡（BonnieGokson），明天將會在美國紐約出席InternationalWomanDay活動，更會上名嘴奧花雲費的節目，出發前一天她接受本報專訪，談到伴着她成長的名利場，無論blueblood隱世，或中產被暴發浪潮冚過時，不無感慨，但談到她開業兩年的時尚餐廳Sevva，雙眼閃閃發亮熱情精力又回來，在意顧客服務的Bonnie，細說Sevva的茁壯。 撰文：梁錦貞
到過巴黎的人，嗜甜與否都總會到有過百年歷史，專賣法式小甜餅（macarons）的甜品店Laduree朝聖，原來郭志怡（BonnieGokson）開設位於中環太子大廈的時尚餐廳Sevva，最初原由也與Laduree扯上關係，Bonnie日前說：「喺Chanel做咗4年幾，每年最少飛40次，忙到身體差晒醫生費貴過份人工，冇晒自己personallife，終於辭職放個悠長假期。」
打工不如創業
Bonnie續說：「我好鍾意食甜品，去巴黎一定幫襯Laduree，就諗住傾番嚟喺香港開，兩年間來回巴黎好多次，終於接近傾成，佢哋開嘅條件當然好harsh（嚴苛），royaltyfee（版權費）好貴，間舖又話起碼要有8,000呎，我朋友就同我講，香港人都嗌住要減肥，真係咁多人鍾意食甜嘢咩？麪包蛋糕又唔擺得過夜，做埋咪又係同人打工，不如開間自己嘅餐廳好過啦，就係咁開咗Sevva，開呢間餐廳。」
Bonnie又說：「我從來冇諗過乜嘢howtospendit、toseeandtobeseen呢啲subject，我係想嚟嘅人都可以enjoy同experience每一項details，包括飲食、裝潢、藝術品擺設、音樂allinone係一個experience。每次我發覺有idea大部份都係我嘅memory或者講係DNA仲正確，個世界變咗咁多，但係我與生俱來，屋企帶畀我嘅DNA放喺呢個時代仍然work，我對完美、腌尖同骨子嘅要求同堅持，唔單止冇過時，原來仲有好多人掛住。」
一人分飾三角
在Sevva，Bonnie一人分飾三大角色：教育、分享、體驗，她說：「我好肯教人，但當然要視乎嗰個人嘅吸收程度，唔可以由A跳去Z，littledetails好緊要，我喺英國搵咗個老師教我員工英文，老師返咗英國我就自己親自教，員工頭髮過長唔剪，我要佢哋即刻落阿Kim（KimRobinson）度剪。我會將我嘅favorite同客人分享，由classical、jazz、BossaNova，時裝插畫家GladysPalmer嘅畫。有啲餐廳菜式幾貴都好，場面冷冷清清咁，我呢度係貴，但係我哋有維港煙花景。」
Bonnie對現時的生活相當滿意：「我對好多嘢仍然好好奇，我最鍾意createthings，餐廳嘅menu係我做嘅，音樂都係我揀，又會喺唔同地方請talent嚟表演，開咗Sevva後好多電話、email飛埋嚟，希臘、杜拜、新加坡、中國好多城市，連蒙古都有，想我幫佢哋搞另一間Sevva又有，特許經營又有，當然我都希望生意會擴張，但係一啲都唔心急，要軟硬件都ready先做。」那麼下一步？她說：「我想出一本關於fashion、lifestyle、entertainment嘅書，不過要搵一個GraceCoddington（註：美國《VOGUE》創作總監）先得！」
時尚圈子變質
在時裝世界長大的Bonnie，以前在Joyce的日子是百分百投入，現在呢？Bonnie說：「都投入嘅，大約20個巴仙啦，我都仲鍾意買衫，時裝界嘅朋友都係一齊大嘅，不過好多朋友都講香港嘅時尚圈子變晒，大家都話『點解唔見晒啲靚人？』的確呢個城市係少咗glam，oldRegentdays、oldMandarindays唔見晒，中產一個浪冚埋嚟嘅叫暴發，雖然客人係冇得揀，我仍然會用我嘅creativity同passion，繼續dowhatIwanttodo（做我喜歡的事）。」
人物誌：郭志怡 衣神變食神
郭志怡（BonnieGokson）永安百貨家族後人，胞姊是時裝女王JoyceMa，她協助胞姊打理JoyceBoutique生意16年，又擔任過Chanel亞太區形象總監逾四年，多年來都是國際及香港時尚icon獎項常客，早前更獲中國女企業家協會主辦的「2009中國百位傑出女企業家」獎。
08年Bonnie在中環太子大廈開設集高質素品味環境、裝潢、食物、音樂於一身的餐廳Sevva，開業兩年，中外名人足印身影不絕，火速成為城中hottalk，慕名而來的數數手指就有曉格蘭特（HughGrant）、美國歌手LionelRichie、OlsenSisters及韓國天王Rain等，訪問當天名牌ChromeHearts大隊甫落飛機晚上就book了枱在Sevva晚膳。
話你知：Sevva招牌菜 物馨情重
Sevva位處中環心臟位置，配合香港國際化形象，餐牌菜式都相當多元化，齊集中西名廚及甜品師傅，其中Bonnie特別推介的不是隨處一間名餐廳可點到的魚子醬撈意粉，反而是帶她兒時情懷的老上海菜式如魚湯米線、泡飯及魚蓉粥等（那是Bonnie媽咪打完麻將後一定要吃的食物）。
另外，Sevva的香脆蛋糕（OrginalCrunchCake）無人不知，Bonnie與甜品師傅最新合力創作的瑪麗皇后（MarianneAntonie），夢幻美麗的外形令人甚至不捨得放入口。
