5月份係忙碌嘅日子，因為除咗有好多聯賽煞科同埋打盃賽決賽，仲有唔少親友生日；而星期一老友Koty就牛一，喺度祝佢生日快樂。由於我要買禮物畀小朋友，所以近排行多咗玩具店同埋百貨公司嘅玩具部，記得我細個嗰陣嘅玩具，不外乎係超合金或者自己砌嘅塑膠模型，身邊有錢啲嘅朋友，就會高級啲玩電視遊戲。家陣啲玩具嘅款式多到你唔信，仲要sell可以啟發小朋友嘅腦部發展，但講真，玩具係帶畀小朋友歡樂，有幫助固然係好，但為咗要達到某個目的先去玩，咁就冇癮啦。
周中追浦和紅鑽得手，今個禮拜再嚟過。佢哋嘅表現唔算好sharp，不過今日對手橫濱水手淨係踢一個中村俊輔，板斧真係冇乜，就捧紅鑽W。
青蛙仔
主客和：浦和紅鑽勝
心得：中村俊輔獨力難支
近5場往績：LLLWW