被統戰嘅「河蟹教會」以主之名叫教徒5.16唔好去投票，基督徒學會噚日就補選發出聲明，呼籲教友應該行使公民參與權利，有票應該去投，參與建設社會政制。
聲明批評政府對呢次選舉態度非常曖昧，又拒絕呼籲市民「踴躍投票」，在公民教育上倒行逆施，剝奪市民參與建設民主制度發展嘅意欲同基本權利，基督徒學會指信仰群體所傳揚的係「釋放」嘅福音，令市民不受無止境政治爭拗所束縛，積極參與5.16選舉，可以一人一票自由地表達市民對社會嘅願景。
聲明強調市民訴求係早日落實雙普選，故此不得不處理「功能組別」去留問題，因其存在只屬過渡性質，事實上亦有違民主成份，應盡早廢除。