豪門，就一定有恩怨，香港政壇望族田氏，豈會例外？自由黨日前舉行母親節晚宴，田二少北辰席間忽然自爆同阿哥田北俊嘅一段秘聞，仲公開懺悔。
細個打爛嘢屈阿哥
當晚田二少在台上話，有個秘密埋藏心底多年，終於忍唔住要公開，而呢件事，係關於阿哥嘅。二少話，細個時喺屋企搞搞震冇幫襯，打爛嘢搗蛋後，會第一時間向媽媽備案，並篤大佬背脊，將責任推卸畀大佬，「阿哥因為咁俾媽媽打，受過唔少委屈。」
當年老屈大佬，今日終於良心發現，田二少話其實都知道阿媽同大佬知道佢搞鬼，家陣決定向大佬認錯，還佢清白，更向黨友講：「咁大家家知道，第日我講嘢信唔信得過啦。」講起陳年往事，田少話已經冇乜印象，況且又冇仇報，冇所謂啦。