衞蘭、鄧麗欣、李治廷及周柏豪等前晚於尖沙嘴出席「家燕．好媽媽．母親節快樂宴」，與薛家燕及60位母親一起預祝母親節。衞蘭談到有指黎明捧新人JW來力撼她，她說：「好明顯唔係真，一家人唔會邊個鬥邊個。」她又力撐關楚耀復出樂壇：「好開心，佢新歌好好聽，唱歌進步好多，真心祝福佢成功。」會否戥未復出的妹妹衞詩難過？她說：「佢家好開心滿足，有神嘅愛。」
李治廷盼演李小龍
鄧麗欣談到方力申被指在內地登台遇襲，她說：「佢一返嚟就同我一齊做嘢，有講我知，冇咁嚴重，少少混亂啫，酒吧騷實有。」李治廷坦認有人找他拍《李小龍傳》，他說：「有機會同呢個傳奇人物扯上任何關係都好榮幸。」至於周杰倫將在《葉問3》演李小龍，李治廷說：「係咩？佢雙截棍好勁o架。」
採訪：溫敏芝
攝影：陳俊強