現年47歲的商天娥即將於今年10月出嫁，前晚她與郭政鴻及周家蔚等人，在將軍澳電視廣播城錄影《超級遊戲獎門人》。身形圓潤的娥姐在「超級遊戲坐波波」環節中，飛身跳坐到曾志偉及錢嘉樂身上，事後被二人取笑她是「西營盤」巨躉及「人肉打樁機」。
商天娥、郭政鴻、周家蔚及一班《超級巨聲》參賽者，前晚在電視城錄影《超級遊戲獎門人》，娥姐事先聲明因腰骨曾開刀，故有些遊戲不能參與，但最終因主持曾志偉不時出言挑釁，娥姐忍不住玩「超級遊戲坐波波」，不過她要求由曾志偉及錢嘉樂坐在凳上，她則飛身坐到他們身上壓爆氣球。
「只係想見番條腰」
遊戲前志偉事先警告娥姐不要請他吃波餅，雖然娥姐10月便出嫁，但她目前仍未收身，結果遊戲後錢嘉樂忍不住取笑娥姐的巨躉是「西營盤」，志偉即搭嘴說：「點止係西營盤，簡直係人肉打樁機，好似成條天橋咁樣。」
娥姐事後接受訪問時透露已開始減肥，她說：「我會按部就班咁減，唔會減到得番棚骨，只係想見番條腰。前日我執屋都唔開冷氣，出咗一身汗，皮膚都好啲。」當記者指志偉於她婚前專程安排一班猛男陪她玩遊戲，娥姐說：「我唔要呀，我事前都講有啲遊戲唔玩，如果逼我玩我會走出廠。」
郭政鴻拒談滕麗名
此外，近日有傳滕麗名因郭政鴻而情緒崩潰，前晚被問起此事時，郭政鴻說：「我唔回應啦，唔想越描越黑，佢係大笑姑婆，次次見佢都好開心。」
採訪：楊潔雯 攝影：仇志德