與富商林建岳拍拖十多年的陳浥萍（Monica）近日被拍得在台灣拖佬，結果兩人前日戲劇性自爆已分手兩年，昨日事件繼續峯迴路轉，原來岳少早已另結新寵林寶賢（Michelle）。曾是鈴木仁助手的Michelle與岳少在壽司店結緣，前年她遭逢母親患病及失戀的雙重打擊，向來闊佬的岳少即雪中送炭，帶她到高級餐廳撐枱腳慶祝生日，又送花兼送禮，未幾Michelle更榮升時裝店老闆娘，成功上位。
林建岳的情史堪稱比他投資的電影更引人入勝，前日其女友陳浥萍被踢爆與設計師李永麟在台灣拖手密會，岳少即突然宣佈早於兩年前已跟Monica結束情侶關係，13年情玩完。俗語有云你精我唔笨，昨日傳出岳少其實前年已有新寵跟在身邊，新歡正是日籍藝人鈴本仁的前助手、曾在徐淑敏丈夫黃浩（Kenny）開設的ClubQube任職經理的林寶賢。
年前Kenny除開設ClubQube外，又在中環投資高檔壽司店鮨久，當時Michelle常在店內打躉，因而認識前往幫襯的岳少。本報昨日獲食肆前員工大爆兩人相識經過：「嗰時岳少係喺壽司店識Michelle嘅，有次佢有個職員嚟壽司店等Michelle，想問佢攞電話號碼，話想搵佢過檔岳少間日本餐廳，當時Michelle仲話自己都唔喺壽司店做，所以冇畀到電話。」其後有人透過其他人脈，終取得Michelle手機號碼。
生日獲贈名牌手袋
往後半年岳少和Michelle開始聯絡，初時Michelle沒多大反應，其後她遭逢母親患病和失戀雙重打擊，岳少即大展紳士風度，對她事事體貼關懷，Michelle才對他重新估計。該員工說：「Michelle嗰排好唔開心，佢同初戀情人拍咗十幾年拖散咗，咁啱佢媽咪又病，岳少知道後，對Michelle同佢媽咪都好照顧，又搵醫生又送補品，後來仲出埋私人飛機帶佢兩母女去泰國拜白龍王，係人都冧啦。」
明天是Michelle的29歲生日，對她而言也是個特別日子，事關兩年前她生日當天，有人目擊她與岳少在跑馬地明星食肆、高檔法國餐廳Amigo撐枱腳，岳少更送上鮮花及名牌手袋作生日禮物，兩人盡興而歸，之後相隔約1個月，Michelle便辭退助手職務，遠離娛樂圈。
對於新寵Michelle登場，岳少昨日透過助手回應：「識唔識都要回應，香港我識咁多人，咁我咪好大鑊？」記者曾致電Michelle，但其手機停止服務，至於她的前老闆Kenny則表示不知道Michelle與岳少交往，他說：「佢都冇做兩年啦，之後大家都冇聯絡。」
兼職女模留學日本
據悉，岳少和Monica前日聲稱已分手兩年，但畢竟相戀多年，加上育有現年十歲的囡囡林利兒，關係始終藕斷絲連，有指前年岳少邂逅Michelle，結果新M勝舊M，有傳當時岳少欲安排Michelle加入寰亞，但因傳出風聲，Michelle即打退堂鼓，同年年底她在銅鑼灣開設服裝店，今年2月更曾現身岳少旗下的東亞娛樂春茗。有指Michelle原先居於荃灣一屋苑，家庭環境一般，早年她曾往日本留學，返港後憑其5呎8吋高䠷身材成為兼職模特兒，又做過藝人助手，如今竟搖身一變榮升老闆娘。
此外，岳少兄長林建名昨日到將軍澳無綫電視廣播城出席記者會，對於岳少與Monica分手一事，他說：「唔關我事，冇乜嘢好講。」他又指岳少心情沒異樣，被問到可知他們何時分開？他說：「我唔知佢哋幾時分開咗，我幾個月之前都有見到佢帶Monica出嚟食飯。」
採訪：丁寧
話你知：岳少新寵hea賣日潮服
岳少與新寵Michelle至今交往兩年，在08年12月Michelle在銅鑼灣駱克道開設主打日本澀谷及裏原宿mixstyle品牌的MaisonGilfy專門店（圖），該品牌在日本乃是由知名日模土屋安娜做代言人。
去年Michelle的銅鑼灣店開業一周年，岳少旗下藝人JaniceMan及衞蘭被安排拍攝宣傳照造勢，可見Michelle和岳少關係非泛泛。記者昨日曾走訪該店，老闆娘Michelle並未親自坐鎮打點，現場只得一個女店員看舖。店舖內的商品走少女路線，出售物品包括服飾、手袋、鞋及飾物等，普通一件tee的定價由400元至600元不等，屬中等價位。
採訪、攝影：溫敏芝
