泰利、林柏特同埋祖高爾齊齊由車路士過檔韋斯咸？非也！佢哋前晚現身烏普頓公園球場，仲着埋印有號碼同個佢哋個名嘅韋斯咸波衫，但查實只係以嘉賓身份，出席韋斯咸青訓部總監東尼卡爾嘅紀念賽。
紀念賽冇得落場
呢場波星光熠熠，除咗有佢哋3個之外，仲有費迪南兄弟里奧同埋安頓，以及韋斯咸名宿迪肯尼奧，最後蘇拿帶領嘅韋斯咸明星隊，以5:1贏咗學徒明星隊。由於車路士喺嚟緊嘅星期日有場關鍵大戰，為免泰利、林柏特同埋祖高爾受傷，所以唔准佢哋落場，只能企喺場邊。不過佢哋仍然受到現場13,000名球迷熱烈歡迎，而佢哋亦好識做，不斷咁幫啲球迷簽名補數。