花旗股市前晚繼續下試支持位，歐洲立立亂，股民爭相走避，不過道指收市嘅跌幅都唔算大，噚晚應該可以造好啲。
日股假後復市跌咗361點，內地股市弱勢未改，跌超過4%收市，喺咁嘅氣氛之下，港股噚日下試20000關，恒指反覆守穩呢個關收市，大成交加十字星，可以反彈。
中移動C輪17585：中移動（941）昨收75.15元，升1.29%。股價前日跌近100日線，噚日回升，成交大增，短線會係支持大市主力，睇80元，可以諗吓隻C輪17585，隻輪現價2.9仙，2010年12月1日到期，行使價83.8元，溢價15.37%，引伸波幅27.95%，有效槓桿率8.24倍，正股見80元，17585睇4.6仙，正股跌穿73元就沽咗隻輪。
俊樺