何超儀自資新戲《維多利亞壹號》前晚首映，獲老公陳子聰和過百名好友出席支持。超儀之前批評三、四房探賭王父親似做騷博見報，結果前晚其他房人均沒出現，只有親家姐超鳳、超瓊和超蕸現身。
身兼電影《維多利亞壹號》老闆及女主角的何超儀，前晚悉心打扮出席在會展舉行的首映禮，除了超儀老公陳子聰外，有份演出的麥浚龍、24味的阿肥、周俊偉和曾國祥等都有出現，超儀好友吳彥祖、謝霆鋒、杜琪峯、鄭伊健和梁漢文等也齊齊撐場。
超儀早前接受內地訪問，公開批評三、四房女兒探老父何鴻燊時似做騷博上鏡，又直呼陳婉珍和梁安琪為阿三、阿四，並謂在眾同父異母的弟妹中，只識得四房大女超盈，結果前晚三、四房沒派任何代表出席。賭王則要留家休養，未有現身撐愛女，只有超儀的三名胞姊超鳳、超瓊和超蕸為妹妹打氣。
問為何其他房人沒有現身，超儀說：「佢哋咁多朋友仔，我梗係要包場請佢哋睇，老竇就唔使奢望，我今晚請成千個嘉賓，要照顧啲朋友，唔得閒照顧佢，不過老竇都知道之前有人睇到暈咗，希望今晚大家都俾套戲嚇親。」現場準備了嘔吐袋給觀眾，超儀表示幾位家姐大概也知道電影內容血腥。
霆鋒指天講栢芝
提到英皇的新樓盤剛巧叫做「維壹」，超儀說：「真係好嘢，兩年前個戲名已經定咗，我唔介意個名似，但套戲講凶屋，希望人哋唔介意。」霆鋒被問到老婆張栢芝是否揀了後日母親節剖腹生BB？他聞言拍心口再指向天說：「我真係唔知。」首映後超儀拉隊到灣仔開派對，她透露現場反應很好，陳子聰說：「好多人睇到呆咗，又尖叫，我又見唔少人去廁所，唔知係咪去嘔呢？嘔先代表有票房。」
採訪：魯萍
攝影：陳志嵐