今年1月離開《信報》嘅練乙錚，小休三個幾月終於重出江湖。《信報》網站噚日有練總新消息，表示接到練乙錚遠方來郵，會於日內開始不定期喺《信報》寫稿，而且會逐步啟動喺《信報》網站嘅個人討論區，同網民交流。
練總當日起身，已表明休息一段時間後會再執筆，選擇喺呢個時間復出，網民估計可能係為5.16公投打氣，亦有人指近日輿論充斥北京打手謬論，練總正是時間出山斬妖除魔。據知練乙錚3月初已向《信報》高層表示會擇日「開工」，但當時未說明日期，除咗喺《信報》寫文，練乙錚亦有意喺《信報》網站個blog同網民互動交流，唔好令個blog虛有其名咁話。