美股前晚重挫，港股無可倖免急插超過400點，失守所謂「牛熊分界線」之250日線，走勢當然十分樣衰。最慘係昨日內地股市午後抽升扭轉劣勢都好，港股一樣照跌到即市低位完場，反映北方股海氣氛似乎幫唔到港股呈強。
對上一次，即係08年5月港股失守牛熊分界線那一次，大市足足捱夠一年左右才重見生天，今次走勢又會否係咁？無人知。不過就有散戶多口問句，港股失守牛熊分界線有乜意義，係咪代表熊市重臨？其他人點睇唔知，但星俠認為唔係。
最近發過盈喜的木薯資源（841），前日出現急升後，昨日受市況拖累回吐4.2%，收報2.29元，走勢暫仍企於10日線之上，估計係受市況影響表現，若然大市轉穩，估計木薯可重拾動力炒上，可考慮股價挨近2.2元入市，目標2.7元，失守2.05元止蝕。
木薯預期全年盈利大增，主要係經濟復蘇令內地客對乾木薯片需求持續增長，集團預期本年度木薯片銷量及收入增加超過1倍。
方星俠