無綫遊戲節目《超級遊戲獎門人》中的「超級遊戲坐波波」，由男女玩改為同性玩，雖然減了鹽花，但曹永廉率先受傷，跳坐金剛身上時，下身不慎撞到其膝蓋，痛苦掩着重要部位，但他謂已生小孩，剩下只得一個用途，但並不志在。
蔡少芬、陳豪、曹永廉及黃德斌等前晚於將軍澳電視城錄影《超級遊戲獎門人》，其中「超級遊戲坐波波」由異性改為同性一起玩，當曹永廉要坐上金剛身上壓爆波，他跳坐後彈起，並以手掩住下體，一臉極痛模樣。
蔡少芬自備氣袋
事後曹永廉說：「我冇事，撞到中間位呀，未去到兄弟度，撞到佢膝頭囉。不過我都生咗小朋友，唔志在啦，夠o架喇，得番一個用途咋嘛。」問他會否回家即試用，驗證功能不變？曹永廉笑說：「今日好夜喇，等陣返去小便先啦，如果女仔坐落去好玩啲，男同男真係冇咁過癮。」
蔡少芬玩「超級遊戲爆波波」時，要用心口壓爆波，也幾乎受傷，她說：「條腰就斷呀，成個人瞓落個波度，玩到暈同埋啲眼水流晒出嚟，腰有少少痛，我對自己心口有信心，有airbago架嘛，打晒底嚟玩o架，只怕生唔到仔咋。」至於坐波波改為同性遊戲，蔡少芬謂這樣感覺較輕鬆，即使監製沒改動，她也會要求只與女士玩，她續說：「最重要唔傷害到身體，有獎金有獎品都會搏命啲嘅。」
陳豪則謂不喜歡與同性玩，他說：「男男玩仲驚，同性相拒之外，仲要加千斤墜，好重o架，玩呢啲會受傷，咁我情願同女仔玩囉，家轉咗好失望呀。」
採訪：王崇穎 攝影：林德雄