歐盟出手打救希臘，花旗股市前晚大幅反彈，加埋市場炒加快復蘇，投資者情緒好番好多，噚晚嗰邊會公佈工廠定單，如果理想，花旗股市可望繼續升。
雖然外圍市況好轉，但係A股唔生性，搞到噚日港股嘅升勢只係閃一閃，最終仲要倒跌收場，不過股民冇晒方向感，入市興趣唔大，睇嚟港股仲會悶多幾日。
利豐C輪21659：利豐（494）昨收39.65元，升5.2%。花旗炒加快復蘇，即刻生猛，睇耐少少有機見48元，可以諗吓隻C輪21659，隻輪現價69仙，2011年1月24日到期，行使價40元，溢價18.29%，引伸波幅55.36%，槓桿率5.75倍（有效3.29倍），正股升上48元，21659睇1.21元，升幅75%，正股跌穿37元就沽咗隻輪。
俊樺