謝安琪（Kay）前晚到灣仔伊館出席國家體操名將慈善滙演，霍啟剛和一班國家級金牌運動員如李小鵬、劉璇等都有出席，現役運動員更即場獻技，是次活動的門票收益會撥捐到玉樹大地震賑災之用。
擔任動力慈善之星的Kay大讚運動員，她說：「四人男子體操好好睇，佢哋夾得好好，好犀利，啲動作又做得好靚。」會否培養兒子張瞻做運動員，Kay笑言都會考慮，因為她見到現場有不少小朋友，他們都表現很專注及對長輩十分尊重，但暫時她未發掘到兒子文或武的天份。
未知兒子興趣
謝安琪說：「都唔知佢有乜嘢興趣，未發掘到佢有乜嘢才能，佢唱歌得定體操得都冇乜所謂，最緊要佢培養到個人嘅興趣就得，總之佢鍾意一樣嘢就自然有奮鬥目標，樣嘢係向好就得。」
採訪：胡比 攝影：林德雄