郭富城昨日在尖沙嘴出席手錶宣傳活動，問到他是否知道好友邱淑貞再度懷孕，他聞言停頓數秒偷笑，之後才說：「早兩日同沈嘉偉食飯都冇講，佢（邱淑貞）都喺度，但唔覺大肚。」記者稱他笑得蠱惑，他說：「乜我演技咁差咩？我唔講大話，等我打畀佢問吓先，係就恭喜佢。」
讚女友好演技
城城女友熊黛林有份演出的《葉問2》近日上映，他謂未有時間欣賞，但讚熊黛林之前的電影演技不錯。有指他倆在微博傳情，城城說：「我主要同fans溝通，如果係談情咪同晒所有fans談情？」
此外，大會昨日捐出的手錶，由音樂人金培達以五萬元投得，善款將捐助青海玉樹地震災民。城城也籌劃慈善賽車，幫助災民。採訪：王連連
攝影：陳志嵐