銀幕前吳君如一早豁出去，牙籤剔牙挖鼻孔當大笑姑婆通通不介意。但哪有女人唔貪靚？回到現實生活她落力扮靚，晚晚敷Mask搽Cream按摩沒一刻偷懶過。努力廿多年沒有白費，這個年紀站在熊黛林、Angelababy、阿Sa等80後名模明星身邊依然唔輸蝕，如今更開齋做埋護膚品代言，「沒有醜女人，只有懶女人」絕對是她的美麗密令。
記者：葉雪芯
攝影：譚盈傑
Makeup：ArrisLaw@Atelierd'Ar
Hair：KelvinKoo@Hair
Wardrobe：Burberry
Styling：SaronaLo@SaronaStudio
戲中扮醜 戲外扮靚
好戲不妨一睇再睇，十幾年前《家有囍事》中的家嫂蓬頭垢面，即使在家中扮靚敷黃泥Mask都嚇死老公，每次都笑死人無命賠。做慣大笑姑婆又心直口快的吳君如，應該很難被人想到與「美麗」二字扯上關係。從影廿幾年來，今勻首次被KOSE搵來做代言人，有驚訝，亦有驚喜，事關睇到真人，君如原來很美，皮膚也的確好，不如讓她正正經經坐在大家面前講講護膚經：「恨做護膚代言好耐，好開心終於有人欣賞我靚女的一面！做戲扮醜無緊要，呢個係自己選擇的工作。但現實生活之中我對護膚扮靚真係好注重，基本上對皮膚嘅打理係近乎潔癖程度。我要洗面洗到好乾淨，一星期兩三次Mask唔少得，晚晚冲完凉喺廁所搞好耐先上到床瞓覺，陳可辛都頂我唔順，問我點解一塊面仔都要搞咁耐。敷完Mask仲要按摩面部通淋巴，一邊睇電視一邊捽耳邊至頸位，面會瘦啲無水腫。」
頸眼有紋 呃唔到人
論美人，娛圈的選擇猶如恆河細沙，數之不盡。KOSE偏偏揀中君如，其實又不難理解，事關講到說服力，應該無人能及她：「因為我係真正用家！KOSECosmeDecorte真係用咗好多年，今次唔單止可以慳番唔少買護膚品錢，最重要係唔使扮嘢，明明無用又要扮到用過，仲要讚好，好攰o架嘛！我自己每晚敷完Mask之後一定會用AQMeliorityIntensiveCream，你知啦，到我呢啲年紀一定要Keep番皮膚彈性，呢隻Cream好幫得手；如果返大陸拍戲，極乾燥天氣我就一定帶埋AQCyto-genTotalLift，好保濕，去橫店拍戲，幾日用晒一支，返來香港要不停補倉！」
歲月神偷，但在君如面上就無發現歲月痕迹，十年如一日，她直言用了不少心機去停住面上的時間巨輪：「女人最重要係對眼同埋頸，呢兩個部份一有皺紋，就呃唔到人，搽勁厚粉都蓋唔住。我提過好多朋友趁後生要留意呢兩個部位啦，有啲唔聽我話，過幾年之後就發現中晒招，又乾又出晒幼紋。每個月我淨係買WrinkleLiposomeEx仲有EyeMask，都花幾萬蚊！我又好怕樹根頸，總之我花幾多錢喺眼部，我同樣花咁多錢用喺頸上，有時連頸都一齊敷Mask，然後再慢慢用手推、按摩，每晚如是，永無走雞。」
學阿媽護膚變專家
講天生麗質，君如自認與好友劉嘉玲、曾華倩無得比：「佢哋天生靚女，我從來都唔會介意或者妒忌，我惟有靠勤力囉！反而我同華倩會傾好多扮靚心得，劉嘉玲可能太靚喇，無我哋咁姿整。其實我自細就好貪靚，可能受阿媽影響，佢生我時只得23歲，所有呢個年紀嘅女仔都扮靚o架啦。佢個梳妝枱擺滿晒好多唔同的護膚化妝品，日日都搽呢樣搽嗰樣，所以細細個我又跟住搽，由14歲開始就進入護膚生涯，到家已經變專家。」
一千蚊買時裝補品
減肥、護膚，吳君如大把血淚史。時裝Styling，原來一樣是下了不少苦功。近年着衫打扮越來越型，甚至被不少雜誌連續多期評為「至索女星」。當記者提起這一點作個引子，君如已經開心到哈哈大笑，真情流露，全因過往每一步都是靠自己：「家有好多新人一出道就有幾個Stylist傍住幫手襯到靚靚先行出嚟，我無軍師o架！乜都靠自己囉，其實我不知幾鍾意時裝，好迷睇時裝雜誌，英美日法都睇。最記得1984年，當時我得19歲，剛出道去外國拍戲，無乜錢都夠膽花成千蚊買咗一啲時裝雜誌返香港慢慢煲，呢個習慣到家都仲有，近年比較鍾意睇《SPUR》、《Voce》、《VOGUE》等等。」
雖然無軍師，但吳君如就大讚陳可辛都畀到佢不少時裝靈感：「陳可辛係一個好講究嘅人，我覺得佢好有Taste，其實所有時裝雜誌都應該搵佢影Cover！佢絕對有自己一套美學，着乜色、每件Items要點配襯，都好Professional，佢有時都會過啲貼士畀我，或者畀吓意見。我要襯得起佢，梗係要加倍努力扮到靚靚啦！」講到這裏，聽到君如的甜笑，我覺得一個女人的美，是多得有個幸福老公錫到燶的滋潤，勝過貴一貴的護膚品！
君如自評時戴令
1、2.最近經常以Blazer見人，問她是否有意轉走型格路線，她說純粹近年流行，加上有不少品牌Sponsor，所以就着得比較多。
3.出席電影活動時所穿的一身Nude色Blazer加碎花裙大獲好評，吳君如開心到不得了：「其實我好鍾意FeminineStyle，碎花Ruffles之類真係好靚，但我個樣畀人感覺好硬淨，唔襯，所以好少着。呢次係因為有Sponsor，咁我就試吓自己襯，效果又幾靚。今季我最鍾意StellaMcCartney，就係因為出咗好多碎花Items，Feminine得來又有點Tough，比較襯我。」
4.金像獎當晚，君如的一身DiorSee-through裙靚絕全場，若隱若現的性感被一些雜誌選為「至索女星」，她說這一襲晚裝裙陳可辛都有讚佢着得靚。
5.吳君如深深明白自己屬於硬朗型，所以經常以型女衣着打扮出現，乾濕褸是她的最佳拍檔。
6、7.在時裝雜誌看到今季大熱HaremPants，所以幾次出席公開活動都有穿着。
COSMEDECORTE（31020814）
尖沙嘴海運大廈FACES