【本報訊】五區公投運動總發言人余若薇指斥保皇黨持雙重標準，一方面指摘五名立法會議員辭職發起公投是違背承諾，卻盛讚立法會主席曾鈺成或辭職以在政改方案投票有政治承擔，「佢咁有誠意，應該辭職補選，睇吓市民會唔會選返佢入去。」
叫曾鈺成辭議席補選
余若薇昨出席五區公投拉票活動時稱，民建聯議員為曾鈺成護航，指他有「政治風骨」及「有承擔」，但同時指摘五區辭職議員「不遵守諾言」，「我話你哋（民建聯）唔好雙重標準，如果你曾鈺成咁有誠意，你連議員個位都辭埋，然後參加補選，你如果得到市民大眾支持，選返你入去做主席，呢樣嘢我就尊重。」
社民連黃毓民表示，已預期保皇派及政府人士近日會陸續出招打壓公投，「近日功能組別啲街板出晒嚟，掗咗我哋啲位，形勢係好惡劣！呢鋪係一個決戰，如果我哋拎到七八十萬票佢哋全部都瞓街！」