花旗股市上禮拜五插落，股民都未驚完，內地又話上調存款儲備金率，噚日港股已經注定冇運行，不過日股同A股都冇市，港股嘅成交好奀，跌幅又冇想像中咁大，都算係企穩。
技術上港股有反彈條件，但係要睇噚晚花旗股市點走，方向先至會比較明朗。
中行C輪20969：中行（3988）噚日報收4.01元，下跌1.7%，算係好硬淨，反彈睇4.4元，可以諗吓隻中行C輪20969。
隻輪現價40仙，2010年7月26日到期，行使價3.6元，負溢價0.25%，引伸波幅33.41%，槓桿率10倍（有效7倍），正股升上4.4元，20969有機見67.2仙，升幅接近7成，如果正股跌穿3.88元就沽咗隻輪。
俊樺