吳嘉龍（左）會喺今個月15號於迪士尼參加慈善拳賽，噚日王敏德（Michael）仲用直升機載佢去九龍城嘅記者會，嘉龍踢爆原本係王敏德參賽，但佢臨時話腳筋有事，都唔知係咪真，Michael即刻話真嘅，仲大讚吳嘉龍靚仔嚟補數。嘉龍話自己喺參賽個花名叫CrazyCarl，佢話有贊助商答應佢贏到比賽會捐5萬，令佢有啲壓力喎！