港股上禮拜受美股及A股拖累，喺期指結算前備受壓力，禮拜五借隔晚花旗股市升勢反彈329點，重越21000關，形勢好轉，不過，當晚花旗股市受高盛可能被刑事檢控嘅消息拖累下跌，港股今日無可避免又要下試支持位，不過，港股大局仲係低位整固，後市唔會太差。
兗煤C輪20288：兗煤（1171）上日報收22.3元，升8.5%。股價連續兩日急升，仲有大成交配合，技術走勢好靚，如果今日隨大市低開，可以收集C輪20288，博正股隨後反彈上25元。隻輪現價28.5仙，2010年7月19日到期，行使價21元，溢價6.95%，引伸波幅56.54%，有效槓桿率4.89倍，正股升上25元，20288睇47仙，正股跌穿21元就沽咗隻輪。
俊樺