橫計掂計，中電信（728）點都未追到龍頭一哥中移動（941），但如果計獲獎呢？中電信可能已經「鍊」贏中移動！
電訊小探子順哥仔報料，《金融亞洲》（即係FinanceAsia）前幾日公佈咗「亞洲最佳公司評選」結果，中電信除咗獲選為「中國區最佳管理公司第一名」，仲拎咗「亞太區電訊業最佳管理公司」同埋「中國區最佳企業社會責任第一名」兩個獎。
咁中電信幾有社會責任先？順哥仔話，響青海玉樹大地震，中電信創下12個「第一」，包括第一個派出通訊搶險隊伍、第一個全面恢復縣城災區通訊、第一家向災區群眾提供正常通訊服務通訊商、第一個實現移動通訊全面恢復的營運商……唔知建宙兄睇到中電信成日攞獎，連救災都快過佢，會有咩感想呢？