收視持續高企的無綫扮嘢節目《荃加福祿壽》，前晚在將軍澳電視廣播城錄影，當晚三位主持王祖藍、阮兆祥及李思捷繼續扮鬼扮馬，三人聯同一班美味天使如藍莓及柑桔等人一同扮Cookies又唱又跳，當中祖藍扮傅穎、祥仔扮鄧麗欣及李思捷扮吳雨霏，造型惹笑。
被阿姐揶揄
除了扮女人之外，祖藍終有機會回復男兒身扮鍾景輝（KingSir），李思捷扮許文強，祥仔則扮大長今，祥仔笑言：「其實我係扮盧覓雪（梁洛施發言人）扮李英愛至真。」
汪明荃見祖藍扮KingSir時笑稱：「你終於有機會扮男人啦！」祖藍聞言說：「我本身就係一個男人，所以唔係扮男人，不過觀眾鍾意睇我扮女人，我就好似阿姐咁專業扮落去。」
事後祖藍透露下集開始他們會嘗試多扮男藝人，但他坦言：「不過我都怕冇咗條事業線之後會冇咁吸引，所以我哋都會諗吓點搞先得，希望觀眾一樣睇得開心。」
另外有消息指祥仔貼錢找人替節目中翻唱的歌曲填詞，以求有好效果，但祥仔卻否認：「冇咁嘅事，公司咁有錢使乜我出。」但他坦認因節目反應好，故公司近日投放更多資源支持。
採訪：何慧斯
攝影：黃文成
