創校85年嘅九龍華仁今年慶祝活動包括一個師生視覺藝術展，九華學生讀書叻，藝術創作都幾有天份，潮人葛民輝有辦你睇，展覽仲有罕見嘅作品，就係民主黨創黨主席李柱銘父親李彥和嘅手稿。
馬丁係九華舊生，李彥和幾十年前在九華教中文，所以馬丁特別借出父親手稿供展覽，畀師弟開開眼界。
九華唔想學生死讀書，所以好落力培育學生對藝術欣賞同創作能力，呢次展覽140幾件作品除咗學生、舊生、現任及退休老師及員工、神父外，仲有學生家長作品，希望鼓勵家長同仔女一齊發揮創意，進一步推動學校視覺藝術創作發展。展覽喺尖沙嘴香港文化中心舉行，展期至5月5日止。