「畀你揀多次，會唔會識揀啲？」呢句係近期某個借世盃宣傳嘅啤酒廣告，結尾嘅一句廣東話對白。我深信決定用呢句對白嗰位仁兄，唔係球迷。
可能未打到埋身，近日同世盃有關嘅廣告比預期少，較深刻就係呢個，內容大概係幾個西方球迷因愛隊喺世盃決賽屈居亞軍而喊。以「受傷」角度出發嘅concept比以往同類廣告新鮮，本來好正，敗筆之處就係呢句對白，「識揀啲」呢3個字畀人一個揀得唔明智，可以聰明啲嘅感覺。真正球迷情感大於理智，亦唔會因愛隊攞唔到冠軍而覺得自己「唔識揀」，要再揀過。世盃期間交畀啲唔識波嘅廣告佬或相關人士去度，出嚟嘅作品邊會有突破？唔熟唔食，紅軍頹爆但慣搞破壞，明日車仔應該失分。
文：藍鑽石
讓球主客和：利物浦勝[+1]
心得：紅軍最擅搞亂檔
近5場往績：LLLWL