蔡少芬（Ada）、朱慧敏、陳豪及黃德斌等昨日於西灣河為無綫劇集《飛女正傳》宣傳，大會安排眾人分組玩攀石及飛天遊戲，曹永廉於攀石環節中不慎跌親，而蔡少芬扮女飛人向前飛撲時，同樣擦傷鼻尖即時紅了一片，身旁的曹永廉即說：「點解撞到個鼻唔係撞到胸o架？你咁嘅年紀跳到都好嘢喇。」
對於該劇被指抄襲外國電影，Ada說：「呢部係講港女，為港女平反點去打敗港男，好多人都話好好笑，對白又抵死。」至於演技被指浮誇，她說：「有朋友同網友讚我，話我做到港女特質，只不過可能有啲女仔唔認同自己係港女，咁我本身當然都有港女性格，就係充滿自信，但又未去到唔知醜嘅地步。」
採訪：王崇穎
攝影：陳順禎