【本報訊】商台出售廣播時段予民建聯一事激起公憤，「維園阿哥」任亮憲與社民連決定繼續狙擊《十八仝人愛落區》，號召市民明日齊齊到商台門口，公祭43年前以死捍衞言論自由的商台播音員林彬（圖）。任亮憲稱，不容商台扭曲林彬堅守多年的核心價值，促請商台尊重言論自由，策劃總監黃永別再拖拖拉拉、偷換概念。
網名「馬草泥」的任亮憲表示，明日下午4時至8時將於商台門外設祭壇及花牌，為1967年遭暴徒活活燒死的商台播音員林彬舉行公祭，「我哋懷着沉重心情，去悼念一位敢言嘅商台中人，唔會有乜嘢過激行動，歡迎全香港每一位市民穿着黑色或素色衫，一齊嚟致敬。」
任亮憲又表示，黃永昨日的「見錢開眼」論叫人難以接受，「佢堂堂一個策劃總監，決定節目方針係應該要顧慮電台嘅發展同獨立性，唔應該牽涉太多政治同財政瓜葛，希望佢唔好再拖拖拉拉咁回應公眾。」
老聽眾對商台失望
73歲的市民李先生當年曾目睹被焚毀的林彬座駕，他表示，當年林十分受市民歡迎，最喜歡收聽他的節目「大丈夫日記」，「當時除咗麗的（呼聲）冇其他電視台嘛，佢（林彬）嗰陣喺電台鬧左仔鬧得好激，我都好擔心佢會出事，結果真係被人燒死咗，呢件事當時係摧毀咗左派全個陣營。」李先生近日從美國返港，對商台「出賣」廣播時段予民建聯一事感失望，「家咁近（立法會五區）補選，個節目好容易會左右選民嘅意見，商台係應該避忌。」