立法會主席曾鈺成公開談論願意辭去主席職務、投票支持政改方案後，不少泛民議員大感意外，也感到政府對爭取政改方案通過的態度，或許出現變化，不再期望可以拉到主流泛民大部份議員的支持，改為逐票計，就算僅獲三分之二議員，即40票支持、無法得到主流泛民認同，也要硬闖通過，相信政府將加強力度，針對向個別有機會支持政府的泛民議員拉票，爭取他們轉軚。
有泛民議員指出、政改方案出台前，由於主流泛民走談判路線，政府目標是爭取主流泛民支持，「佢哋希望可以拉到民主黨同埋其他溫和派，最少有十四、五票支持政府」。但隨着政改方案公佈、主流泛民態度日趨強硬，政府知道要拉攏主流泛民支持，機會近乎零，「冇普選路線圖、冇取消功能組別，唐英年好清楚，泛民一定冇可能支持政府方案。」
范太05年拒幫政府
該泛民議員分析，曾鈺成突然表態，表明可以辭去主席、投票支持政改方案，可能反映政府爭取政改方案通過的策略已經改變，改用逐票計方法，只求僅獲三分之二議員支持，令政改方案得以通過，「呢招曾蔭權喺05年政改方案用過，佢當時又係先向主席范徐麗泰埋手，要佢投票支持政府，但係俾佢一口拒絕，今次曾鈺成就比范太更加為政府諗，咁咪事先放定風先。」
不過，泛民普遍相信，曾鈺成不會在短期內辭職，「按05年政府手法，佢會同泛民傾到最後一分鐘，拉唔到十幾票走，就全力拉你三票，等三票泛民公開支持政府，曾鈺成先會表態辭職。」所以他估計未來一段間，政府將加強力度，拉攏個別泛民議員轉軚撐政府，「希望可以最少有三票，保證方案一定過。」本報記者