歐聯準決賽曲終人散，個人較喜愛嘅巴塞隆拿及里昂都下馬，兩位教練冇膽汁唔夠勇，都係次回合不能反先原因。
先講里昂，次回合返主場落後0:1之際，大佬呀，里昂要追3球先晉級o架，結果教練佩爾下半場先換入巴菲迪比高美斯轟炸拜仁大門，可惜一切太遲。哥迪奧拿呢？或者告魯夫遺留落嚟嘅4-3-3祖訓唔可以改，但次回合至少入2球，國米兼有莫達被逐，哥帥仍只一換一，畀着我，一早打3-3-4、4-2-4強攻國米。
車仔領隊安察洛堤，原本都好保守，但對熱刺一仗有啲改觀，下半場就換埋3個人，雖然最後都博輸，起碼夠膽，今次作客利記，再追W。
文：牽牛
主客和：車路士勝
心得：車仔一條心兼夠勇
近5場往績：WWWWW