有人喜歡寫日記，用文字記下每天發生的事，周柏豪則選擇用相機去記錄自己的影像日記，他笑言相片就是時光機，每次翻看相片，便會記起事發當日的影像，因此他最希望能找回公公的照片，因為一次壞電腦的經歷，令他失去公公的照片，心中難免遺憾，所以他如今最愛將自己所愛的人拍下來，留待日後細細回味。
很多喜愛攝影的人，都希望有一天可以舉行個人攝影展，就連柏豪也不例外，他坦言希望將來能像已去世的攝影師JC一樣，死後由朋友幫他舉行一個慈善攝影展，賣出作品所得款項能用來幫助別人。 撰文：李珮洳
有力的小手
「BB係我表妹個仔，佢出世之後就成為我御用model，佢用力捉住我隻手，我當時感覺到生命力嘅奇妙。」
美人魚小貓
「小米係我養嘅貓，佢有一對好靚嘅眼，一邊係藍色一邊係冰綠色，佢成日都好似美人魚甫士咁坐。」
我叫貓先生
「表哥嘅肥貓係一隻重15磅嘅貓，係我最愛嘅model之一，我影緊佢時，佢又喺度實我。」
傳說中的光
「見到呢一度光，人稱耶穌光，第一時間拎部機出嚟影低佢，係一張我好滿意嘅作品。」
永記這一刻
「婆婆其中一隻手有痛風，於是我捉住佢另一隻手，感覺到嗰份溫暖，希望永永遠遠都捉實佢隻手。」
會笑的喉糖
「喉嚨不適嘅時候，歌迷喺喉糖上面畫咗哈哈笑，收到呢份小禮物感覺好窩心。」
一粒小星星
「剛入行時，有一日見到個天好靚好清，之後個太陽被遮住咗一半，好似見到一粒星星。當時我心入邊諗，希望自己喺呢行都可以好似一粒星咁發光發亮。」
同天空的愛
「我鍾意天空，亦鍾意拍攝唔同嘅雲，我嘅第一首派台歌叫《同天空》，當時用咗呢張相做派台碟個cover，大家認識我都係因為呢首歌，所以呢張相好有紀念價值。」
寧靜中漫步
「有一日我喺將軍澳工業村附近嘅草地漫步，只係聽到風聲，於是影咗呢張相，覺得個畫面好寧靜、好舒服。」
