兩代不同性感尤物鍾楚紅及熊黛林昨晚在中環Dior珠寶展覽首度交鋒，年屆50歲的紅姑魅力十年如一日，熊黛林則穿上六吋高跟鞋高人一等。紅姑甫出現即獲品牌高層熱情見面禮，既吻其玉手又嗅她手上戒指，見慣大場面的紅姑笑容滿面，毫無尷尬神色。
鍾楚紅、熊黛林、馬詩慧偕女兒、張王幼倫和陳姿允等，昨晚齊現身中環，出席Dior珠寶「SavoirFaire」展覽活動，長青美艷的紅姑穿上露肩裙配珠寶，品牌亞太區常務董事文迪高一見她已熱情親吻其玉手及嗅她手上的戒指，紅姑指未有被高層的熱情嚇親，她說：「都唔尷尬。」
紅姑愛曬留痕
紅姑指自己向來鍾情典雅長青風格，與典雅長青的Dior一拍即合，又說：「佢哋嘅珠寶好鍾意用動物花草做題材，同我咁鍾意大自然好夾。」問她有沒有新的環保計劃面世，她說：「遲啲大家就知。」
只見紅姑雙肩露出泳衣痕，她說：「係呀，我成日周圍曬同游水。」有泳衣痕明顯搽太陽油不均勻，何不找人效勞？她笑說：「唔使啦，我自己都係熟手技工。」最後問她有沒有戲癮復出或再影寫真，她說：「拍戲都冇乜興趣，有劇本咪睇吓囉。」又反問記者：「呢個年紀仲影寫真？」
黛林透視豹妹
五呎十吋高的熊黛林則以透視豹紋裙加六吋高跟鞋出現，記者取笑她這日一定沒有約城城，所以穿六吋高跟鞋，她笑說：「咁做番模特兒身份梗係要高啲。」熊黛林有份演的新片《葉問2》昨日首天在港開畫，問她有否請城城欣賞，她說：「佢喺外地拍戲。」會否之後送贈券給他？熊黛林說：「睇吓點先啦。」又緊張反問記者票房數字，指老闆希望能收3億票房。
採訪:梁錦雯 攝影:仇志德