余文樂和蔡卓妍（阿Sa）等前晚在ifc出席izzue時裝騷。樂仔主演的電影《志明與春嬌》票房大收600萬，他說：「係呀，啲朋友仲改口叫我志明㖭。我應承同事如果票房去到800萬，就請佢哋去旅行，最好去到799萬啦，咁就可以慳番。」記者指樂仔可甩掉票房毒藥稱號，他說：「係呀，即係證明以前票房差唔關我事，我唔係掃把星。」
阿Sa冇得唞
阿Sa說過Twins演唱會後可放假，她說：「家冇得唞啦，下個月要開新戲《財神客棧》同霆鋒、大S（徐熙媛）合作，仲有套劇又係同霆鋒合作。」有指內地開天價邀她與前夫鄭中基合作，她說：「如果劇本好片酬好，有期咪試吓囉。」日前阿Sa和鄭中基均有出席青海賑災活動，問阿Sa有否在後台看鄭中基演出？她說：「冇睇到佢嗰part噃。」
採訪：梁錦雯
攝影：仇志德