被稱為「河蟹教會」嘅港福堂出名多富貴教友，好多大孖沙、明星、高官同專業人士都係返呢個教會，因此可以喺金鐘商業區開教會，據講港福堂有擴堂計劃，反映呢個教會真係越搞越大。
港福堂吳宗文牧師以撒旦使者形容早前踩場抗議示威人士，有教友好認同，更指喺準備擴堂之際，魔鬼撒旦就來衝擊。示威者係不滿吳牧師言論而來，同擴堂計劃點都扯唔上關係，點解有人會有如此聯想呢？教友非富則貴，有人踩到上門都唔會嚇親佢哋，八方唔相信佢哋會減少奉獻。
發起示威行動嘅「宗教霸權關注行動召集人」秦晞輝喺網上發表文章回應，指話人係撒旦嘅人，唔肯承擔責任，亦對持異見教徒帶來莫大傷害，令人情何以堪，呼籲教會信徒獨立思考，唔好咁易俾人河蟹。