無綫、亞視同有線終於就世界盃轉播權傾掂數，可以播放有線第一台四場世界盃賽事。不過，無綫、亞記只喺數碼頻道播映，電器業界預計會掀起新一輪買機潮，不過係買幾百蚊有交易嘅機頂盒，唔係幾千蚊嘅iDTV。
土炮機頂盒生產商VDiGi巿場經理Ray話，公司推咗一部全功能內置硬碟高清機頂盒VD-R。家巿面啲高階機頂盒都有雙調諧器設計，用戶睇一個數碼台，同時間可錄兩個台。呢部機賣點，一組係數碼調諧器，另一組係全港獨有嘅數碼連模擬一體化調諧器，唔單止睇一個台錄兩個台，其中一個仲可錄模擬頻道台，即係可以錄埋衞星訊號，「部份屋苑天線可接收到播放世界盃嘅有線第一台㖭。」
可錄影兩種訊號
阿Ray又話，部機仲有三組影音輸入端子，如果本身有裝有線，經機頂盒可錄埋世界盃賽事，「部機仲可以將所有接收到嘅訊號，倍頻到1080p高清畫面，睇波都睇得清啲爽啲。」
小妹都有部iDTV，弊在睇得唔錄得，攞部VD-R試吓，高清台由1080i升到1080p畫面當然靚咗，將模擬台升咗頻效果都唔錯。錄影介面都好user-friendly，女仔人家都舞得掂。
阿Ray話，VD-R賣$2680起，下禮拜推出舊客優惠，攞部舊機VD-303/606嚟tradein，可以當500蚊用。另公司推出全新入門級VD-1206，功能同VD-R差唔多，但只係單tuner，勝在夠平夠細，賣$999。
電郵：mailto:[email protected]