花旗股市反彈，不過就幫唔到港股，期指結算日淡友冇放軟手腳，一開市就搶攻，由於A股走勢偏淡，港股好友反攻乏力，恒指最終跌170點收市。
恒指周線圖正考驗緊支持位，今日係呢個禮拜最後一個交易日，指數嘅變化好影響周線圖同短線嘅市況，大家要特別留意。
中遠C輪21262：中國遠洋（1919）昨收10.14元，升1.20%。股價前日下試250日線迅速反彈，噚日再推高，若升破10.40元睇11.50元，可以諗吓隻C輪21262。
隻輪現價16.5仙，2010年12月6日到期，行使價10.38元，溢價18.64%，引伸波幅55.35%，有效槓桿率3.48倍，正股升上11.50元，21262睇25.1仙，正股跌穿9.50元就沽咗隻輪。
俊樺