好的歌詞能夠打動人心，所以很多歌手都渴望收到一份好的歌詞，麥浚龍（Juno）新碟找來林夕、黃偉文（Wyman）及周耀輝為他填詞，他憶述曾拒絕Wyman令他生氣，為了等林夕的詞，又試過等足半年。
有些歌手每隔一年，他所屬的唱片公司或者舊公司都會推出精選碟，但Juno入行至今只有兩隻精選碟，在他心目中精選就是能夠代表自己的歌曲。
在Juno最新的《NothingLastsForever》精選碟中，他花了很多時間選歌，因為他覺得這些都是其戰績及成長過程。
親口拒絕Wyman
Juno邀請了三位於填詞界份量十足的填詞人為他於精選碟中寫了三首新歌，包括黃偉文（Wyman）、林夕及周耀輝，Juno日前說：「Wyman好錫我，寫咗好多好好嘅歌畀我，初出道我俾人抨擊得好緊要，佢就寫咗一首叫《天生不對》嘅歌畀我，首歌係話我做乜都唔啱o架啦，好似喺度講緊晦氣說話。」
當時Juno不希望以一種與大家對着幹的態度唱這首歌，因為怕有反效果，於是親口向Wyman表示拒絕唱《天生不對》，他續說：「Wyman喺電話度同我講『你好嘢，你係第一個歌手唔唱我寫嘅歌』，我同佢嘅淵源就係咁樣開始。」
放心坦白情史
至於林夕，Juno感受其他歌手苦等的同感，就是等他的詞要有耐性，Juno笑言：「《弱水三千》我等咗佢半年有多，我收到份詞終於明白點解個個歌手都話佢嘅詞幾耐都值得等。」
最後Juno與周耀輝的關係如朋友，放心將自己的感情事坦白，他說：「每次佢會帶住我嘅秘密離開香港，所以佢寫畀我嘅歌，唔多唔少都有我嘅感情事喺入邊。」
採訪：李珮洳攝影：陳慧安
化妝：Khaki(MaeVonMakeup)
髮型：EdmondLeung(Privateiifc)
場地提供：Pray