李詩韻投資過百萬的化妝學校昨日在佐敦開幕，她的圈中好友如鍾嘉欣、鄭嘉穎、黎諾懿、馬國明、胡定欣等撐場，緋聞男女馬國明和胡定欣避忌兼尷尬，更拒合照。
致電鄧健泓
馬國明說：「我係避忌就唔會嚟喇，今日主角係李詩韻，我唔想將啲焦點擺喺我哋身上。」胡定欣也說：「你哋太敏感，唔知點解突然間起哄。」
眼見朋友分文不收出席活動，李詩韻眼紅紅地說：「我好多謝朋友嘅支持，本來今次我預咗60萬嚟投資，但係裝修費好貴，要搵多個朋友投資，真係好大壓力，我前幾日直情崩潰喊咗出嚟，有打電話畀鄧健泓，佢都有開解我。」她透露有請鄧健泓出席，不過因為他要宣傳唱片，只送上花籃。
剛約滿星娛樂的鍾嘉欣表示正洽談續約，相信續約成數高。
採訪、攝影：何慧斯