陳志雲涉貪被無綫停職後，有指無綫會逐步進行清洗迷雲黨大行動。志雲愛將、綜藝科監製鄧婉媚昨日突然接獲「大信封」，她接受記者查詢時承認被炒屬實。鄧婉媚於05年效力無綫，招牌作是獲獎無數、由志雲旁述的綜藝節目《向世界出發》。
「係TVB負我」
鄧婉媚昨在電話中說：「今日我收到TVB嘅解僱信，最老土係事前冇人通知。公司解僱理由係重組要裁員，唯一可惜係冇咗個平台做觀眾鍾意嘅節目。」鄧婉媚又笑言：「自己無負TVB，係TVB負我，但我會坦然面對。」
無綫外事部副總監曾醒明卻說：「公司只係配合未來製作需求，將非戲劇節目重組，呢個決定同陳志雲事件無關。」
採訪：葉雪