花旗股市前晚大跌，道指唔見咗213點，成交大增，跌市係受到標普將希臘嘅評級降至垃圾級別嘅消息影響，如果歐盟仲唔出招打救希臘，金融市場短線仲會人心惶惶。
聯儲局議息嘅聲明相信會因應歐洲劣勢作出調整，但估計會係一啲安慰投資者嘅說話，如果花旗股市反彈，今日港股期指結算可以抽番上條50日線。
駿威C輪18955：駿威汽車（203）昨收4.56元，升3.2%。股價下試50日線之後反彈，升破100日線收市，短線有機炒上5.20元，可以諗吓隻C輪18955，隻輪現價66仙，2010年6月29日到期，行使價4元，溢價2.19%，引伸波幅51.63%，有效槓桿率5.13倍，正股升上5.20元，18955睇1.16元，正股跌穿4.35元就沽咗隻輪。
俊樺