王祖藍前晚錄影《荃加福祿壽》時扮四奶奶大爆中女名單，直指鄧萃雯、鄭秀文及梁詠琪等是中女，何韻詩也放棄打歌機會，自薦一起扮鬼扮馬，並自稱流着丑角的血。
汪明荃、王祖藍、李思捷及阮兆祥前晚在將軍澳電視城錄影《荃加福祿壽》，請來何韻詩及李詩韻等任嘉賓。三位扮嘢王今次扮無綫收視高的劇集角色，王祖藍扮《巾幗梟雄》中鄧萃雯演的四奶奶，李思捷扮《鐵馬尋橋》林嘉華演的榮德，阮兆祥則扮《溏心風暴》中李司棋演的大契。
李詩韻玩胡定欣
王祖藍扮四奶奶時，將主題定為大爆中女名單，他站在高椅子上舉起手大叫：「我係中女協會嘅四奶奶，吳彥祖結咗婚，我惟有大爆中女名單，鄧萃……」說到此時他忽然打嗝，沒有將鄧萃雯三字說完，然後續道：「仲有SammiCheng，GiGi同Maggie……唔使驚，我哋仲有吳尊。」阮兆祥扮大契時就將劇集中金句「邊個係人，邊個係鬼，我睇得出」的金句，改為：「邊個放響屁，邊個放屁唔響，我睇得出。我最鍾意放響屁。」無聊得搞笑。事後王祖藍表示錄影前有致電鄧萃雯打招呼，又笑說：「我面形身形都最似佢。」
李詩韻扮回她在《鐵馬尋橋》中的醫生角色，監製還要求她即場喊，她說：「冇所謂啦，大家嚟玩啫，我都想叫馬國明一齊嚟，佢話啲網民好鍾意我哋呢pair，叫我哋真係拍拖呀，我即刻覺得唔好意思，要問番胡小姐（胡定欣）先得。」
何韻詩自認丑角
何韻詩則與阿姐合唱，本來可唱自己新歌，她卻選唱《女黑俠木蘭花》，還扮原唱葉麗儀的唱腔，她直言欲加入搞笑行列，阿詩說：「平時啲嘉賓個個都唔扮嘢，我淨係見過MCJin扮過，我扮嘢都OKo架，導演可能知啲歌手唔鍾意扮，所以冇要求，我咪自薦囉，我有信心令觀眾開心，唔唱自己歌好大犧牲o架，我天生流住丑角嘅血。」
採訪、攝影：楊潔雯