聯儲局一連兩日議息，花旗嗰邊嘅投資者現觀望，道指前晚反反覆覆得個桔，升唔夠1點，噚晚個市可能都差唔多。
港股好友前日藉上禮拜五花旗股市嘅升勢追番300幾點，估唔到噚日又跌番晒，A股唔生性，港股淡友乘勢出擊，恒指跌325點收市，不過暫時都係上落市。
安踏C輪20441：安踏體育（2020）昨收13.96元，跌1.3%，股價最高見14.34元，尾段現調整，但技術走勢強，後市睇16元，可以諗吓隻C輪20441，隻輪現價31.5仙，2010年8月30日到期，行使價12.40元，溢價11.39%，引伸波幅74.37%，有效槓桿率3.05倍，正股升上16元，20441睇46.6仙，近5成潛在升幅，正股跌穿13.20元就沽咗隻輪。
俊樺